Համաշխարհային Բանկի «Կենսական նշանակության ճանապարհների վերակառուցման ծրագրի» շրջանակներում Գեղարքունիքի մարզի Գավառ-Ծաղկաշեն ճանապարահատվածը ևս վերանորոգվեց համաշխարհային պրակտիկայում մեծ հնչեղություն ստացած ճանապարհային հագուստի սառը վերամշակման մեթոդով: «Ճանապարհ» Ընկերության CAT RM 500 ռոտորային խառնիչի և համապատասխան մեքենա-սարքավորումների միջոցով 6.4 կիլոմետր երկարությամբ քանդված ճանապարհը կարճ ժամանակահատվածում դարձավ համասեռ փոխկապակցված շերտերով ամուր ճանապարհ:

Հարկ է նշել, որ այս մեթոդի կիրառումը ապահովվում է`

• Որակյալ, համասեռ և փոխկապակցված շերտեր ունեցող ամուր ճանապարհային պատվածք,
• Ճանապարհային պատվածքի կառուցվածքային ամբողջականություն,
• Ի տարբերություն ավանդական մեթոդների` անհամեմատ քիչ ծախսեր պահանջող աշխատանք,
• Ժամանակի խնայողություն,
• Շրջակա միջավայրի աղտոտվածության բացակայություն: