«Ճանապարհ» սահմանափակ պատասխանատվությամբ ընկերությունը հիմնադրվել է 1997 թվականին ճանապարհաշինության ոլորտում բարձր մասնագիտական որակավորում ունեցող մասնագետների կողմից:

Գլխամասային գրասենյակը և հավաքակայանը գտնվում են մայրաքաղաք Երևանում: Իր մարդկային և արտադրական ներուժով, արդյունավետ և որակյալ աշխատանքով, միջազգային հեղինակություն վայելող ընկերություններ ներկայացվող նոր մեխանիզմների հագեցվածությամբ «Ճանապարհ» ընկերությունը Հայաստանի խոշորագույն և առաջատար շինարարական կազմակերպություններից մեկն է:

Ընկերության շահեկան առանձնահատկություններից են նաև `

• չափազատված խճի, ասֆալտբետոնի և ցեմենտբետոնի արտադրման հզոր գործարանները,
• ընդհանուր երկաթուղային ցանցին կապող ներքին երկաթգիծը,
• ճանապարհային բիտումի ընդունման, պահեստավորման և բացթողման համար բոլոր անհրաժեշտ պայմանները,
• օժանդակ և սպասարկող արտադրա-տեխնիկական կառույցները,
• ընդարձակ տարածքը` բազմաթիվ և տարողունակ պահեստների առկայությամբ:

Վերոնշյալով պայմանավորված` Ընկերությունը ի զորու է ժամանակին իրականացնելու մեծածավալ  բարձրորակ շինարարական աշխատանքներ:

Կազմակերպության գործունեության ողջ ծավալը ներառում է`

• ավտոմոբիլային ճանապարհների, կամուրջների, տրանսպորտային թունելների, ինժեներական կոմունիկացիաների կառուցման, վերակառուցման և հիմնանորոգման աշխատանքներ,
• դահուկուղիների, ինչպես նաև ճոպանուղիների շինարարություն,
• քաղաքաշինական և արդյունաբերական կառույցների շինարարություն,
• չափազատված խճի, ասֆալտբետոնի և ցեմենտբետոնի արտադրություն,
• ե/բ-ե և բետոնե կոնստրուկցիաների արտադրություն,
• ծանրաքաշ և միջին քաշի մեքենա-սարքավորումների և այլ նշանակության բեռների բեռնափոխադրում:

Առանձնահատուկ ուշադրություն դարձնելով փոխշահավետ համագործակցության ձևավորմանը, փորձի փոխանակմանը, նոր գաղափարների և տեխնոլոգիաների ներդրմանը «Ճանապարհ» ընկերությունը մշտապես պատրաստակամ է արդյունավետ համագործակցություն հաստատել: Օրինաչափ է, որ 2011 թ-ից ընկերությունը դարձավ ԱՊՀ Ճանապարհաշինարարների Միջկառավարական Խորհրդի ասոցիացված անդամ: