Ավստրիայի մայրաքաղաք Վեննայում տեղի ունեցավ Ճանապարհ Ընկերության և միջազգային տրանսպորտային ոլորտում բարձր հեղինակություն վայելող Ֆորստեր Ընկերության ներկայացուցիչների հերթական հանդիպումը: Հանդիպման արդյունքում երկու ընկերությունների միջև ստորագրվեց համագործակցության պայմանագիր, համաձայն որի Ճանապարհ Ընկերությունը դարձավ Ֆորստեր Ընկերության բացառիկ ներկայացուցիչը Հայաստանում և Վրաստանում:

Տրանպորտային ոլորտի շուկայում  Ֆորստեր ապրանքանիշը ներկայացնում է`

• Ճանապարհային երթևեկության կազմակերպման ավտոմատացված համակարգեր, նշաններ և նորագույն տեխնոլոգիաների կիրառմամբ ինժեներական լուծումներ,
• Մայրուղիներում երթևեկության արդյունքում առաջացած աղմուկի կառավարման համակարգեր,
• Գովազգային – տեղեկատվական վահանակներ,
• Գրասենյակային և արխիվային փաստաթղթերի պահպանման նորագույն համակարգեր և այլն: